كنا زغار\شحادة الناطور\

كنّا زغار نراقب النجمات وتبقى في عتم الليل سهرتنا

وفي كل سهرة نعمل حسابات شي كام نجمة تكون غلّتنا

وتقوم ستّي تفقد العنزات ونركض وراها نعدّ خطوتنا

ولمّا تحسّ بوقع هالخطوات تنده لأمي, تكون علقتنا

وتقول بدكم تكثر الحبّات ويطلع فلول بقدر عدّتنا

لما بيوقع نجم قولوا مات واحد في ديرة حدّ ديرتنا

ونصير ندعي ونمسح الديّات تا يسلموا وتزول علّتنا

ومن يومها لو طالت السهرات وكثر النجم من فوق حارتنا

ما بكثّر التطليع والنظرات صوب السما في ليل عتمتنا

خايف يا خيّي إن زمطت المرّات تسقط شي نجمة تكون حصتنا

حلوة كثير سوزان